වත්මන් රජය ක්‍රමයේ වෙනසක් ඇති කරන බවට පොරොන්දු වුවත් අද වන තෙක් කිසිම තැනක කිසිම ක්‍රම වෙනසක් සිදුවී නැතැයි විපක්ෂ නායක සජිත් ප්‍රේමදාස මහතා පැවසීය.
ජනාධිපති සමාව යටතේ සිරකරුවන් නිදහස් කිරීමේ ක්‍රමයේ වෙනසක් වත් සිදු නොවී ඇති බව කී විපක්ෂ නායකවරයා ජනාධිපතිවරයා හෝ අදාළ වගකිව යුත්තන් නොදැන සිරකරුවන් නිදහස් වන බව සඳහන් කළේය
වරායෙන් රතු ලේබල් කන්ටේනර් 323ක් පවා නිදහස් වී ඇති බව කී ප්‍රේමදාස මහතා කිසිම තැනක ක්‍රමයේ වෙනසක් වී නැතැයි කීය.
ජනාධිපති සමාව යටතේ නිදහස්වන සිරකරුවන් ගැන ජනාධිපතිවරයා ප්‍රමුඛ නිලධාරීන් නොදන්නේ නම් බහලුම් ගැන වගකියන්නේ කෙසේද කියා සිතාගත නොහැකි බව විපක්ෂ නායකවරයා සඳහන් කළේය.
අයවැයෙන් ජ්‍යෙෂ්ඨ පුරවැසියන්ගේ ඉතිරි කිරීම් පොලී වැඩි කිරීමද සිදු නොවූ බවත් සෑම රජයක්ම වැඩිහිටියන්ට 15%ක ඉතිරි කිරීමේ පොලියක් දුන්නත් අද එය අහිමි වී ඇති බව මාධ්‍යයට ප්‍රකාශයක් කරමින් විපක්ෂ නායකවරයා කීවේය.
Post a Comment