අම්මෝ යටි පතුල් දැවිල්ලයි... ඉන්න බෑ.." මෙහෙම කියන අය ඔයාට ඇහිලා තියෙනවද ? ඒ වේදනාව සමහ වෙලාවට දරාගන්න බැරි තරම්... ඉතිං අද මේ ලිපියෙන් කතා කරන්නේ ඒ ගැනයි...
යටි පතුල් දැවිල්ලට හේතු
පාද ආශ්‍රිතව ඇතිවන දැවීමේ ස්වභාවය සඳහා ප්‍රධානතම හේතු දියවැඩියාව සහ එහි සංකූලතාවයක් වන Diabetic Neuropathy නම් තත්ත්වයයි. මේ රෝග තත්ත්වයේදී පාද අශ්‍රිතව පවතින සංවේදක ස්නායුවලට හානි වීම සිදුවෙනවා. මේ ස්නායු හානි වීම නිසා දැවීම් ඇතුළු වෙනත් වෙනස් වූ සංවේදනයක් ඇති වන්නට පුළුවන්. මෙහිදී පාද සඳහා ප්‍රතිකාර කිරීම ප්‍රමාණවත් නොවන අතර වැලඳී තිබෙන දියවැඩියා තත්ත්වය සඳහා අනිවාර්යයෙන්ම ප්‍රතිකාර කළ යුතුයි. මෙහිදී ආහාර පාලනය සහ ව්‍යායාම සමඟ සිදුකරන පාරම්පරික චීන කටු ප්‍රතිකාර මඟින් දියවැඩියා තත්ත්වය සහ ඒ ආශ්‍රිතව ඇතිවන පාදවල දැවිල්ල සුව කර ගැනීමේ හැකියාව පවතිනවා.
කාන්තා සහ පිරිමි ඔබ පලඳීන පාවහන් අනවශ්‍ය පරිදි තදවීම නිසා පාදයේ වක්‍රතාවයන් සහ කුඩා සන්ධිවල චලනයන්ට ඉඩ ඇහිරීම සහ පාද ආශ්‍රිත ස්නායු තදවීමක් ඇතිවන්නට පුළුවන්. මෙවැනි අවස්ථාවලදී ද පාද ආශ්‍රිතව දැවිල්ල ස්වභාවයක් ඇතිවන්නට පුළුවන්. මේ නිසා පාවහන් සහ සපත්තු පැළඳීමේදී සහ තෝරාගැනීමේදී පාදයට අපහසුතාවයක් නොවන පරිදි තෝරා ගැනීම සහ දිගු වේලාවක් පැලඳ නොසිටීමටත් වග බලා ගත යුතු වෙනවා.පාවහන් සහ සපත්තුවල තද ගතිය නිසා ඇතිවන දැවීමේ ස්වභාවය පාවහන් ඉවත් කර පාද මිනිත්තු පහළොවක් විස්සක් පමණ වේලාවක් අයිස් වතුරේ තබාගෙන සිටීම මඟින් සුව කරගන්නට පුළුවන්. මෙය තාවකාලික තත්ත්වයක්. වැඩි වේලාවක් සිටගෙන සිටීම සහ වැඩි වේලාවක් පාද ආශ්‍රිත ව්‍යායාම සිදුකිරීම නිසාද සමහර අවස්ථාවලදී පාද ආශ්‍රිත මාංශ පේශී අනවශ්‍ය පරිදි වෙහෙස වීම නිසා දැවිල්ල ස්වභාවයක් ඇතිවන්නට පුළුවන්. මෙයද තාවකාලික තත්ත්වයක් වන අතර පාද අයිස් වතුරේ තබාගෙන සිටීම මගින් සම්පූර්ණයෙන්ම සුව කර ගැනීමේ හැකියාව පවතිනවා.
පාදයේ උඩුපතුලේ හෝ යටිපතුලේ සමෙහි ඇතිවන සමහර ආසාදන තත්ත්වයන් නිසාද පාදාශ්‍රිත දැවිල්ල හටගන්නට පුළුවන්. මෙහිදී තවදුරටත් තුවාල ඇති නොවන පරිදි පාද ආරක්ෂා කරගෙන අදාළ ආසාදන තත්ත්වයන්ට නිවැරදි ප්‍රතිකාර කිරීම් මගින් එම තත්ත්වය සුව කරගන්නට පුළුවන්.
ඒබඩතඥබඥඵ ජ්ධධබ නම් රෝගී තත්ත්වයේදී ඇතිවන දිලීර ආසාදනය මීට හේතුවක්. ඔබ සිරුරේ බර වැඩි තරබාරු හෝ ස්ථූල පුද්ගලයෙකු නම් පාදවලට යොමු වන සිරුරේ බර අනවශ්‍යය පරිදි ඉහළ යාම සිදුවනවා. එවිට පාද සහ යටි පතුල් ආශ්‍රිත මාංශපේශි සහ සන්ධිවලට අනවශ්‍ය පීඩනයක් එල්ල වන විට පාද ආශ්‍රිතව දැවීම හෝ ඒ සමඟ හට ගන්නා වේදනාව ඔබට අත් විදින්නට සිදු වන්නට පුළුවන්. පාරම්පරික චීනකටු වෛද්‍ය ප්‍රතිකාර සමඟ සිදු කරන ව්‍යායාම සහ ආහාර පාලන ක්‍රමවේද මඟින් තරබාරුකම සහ ඒ ආශ්‍රිතව හටගන්නා එවන් සංකූලතාවයන් මඟහරවා ගන්නට පුළුවන්.
කොන්දේ වේදනාව සහ පතුල් දැවිල්ල
ඔබ කොන්දේ වේදනාව හෝ ඒ සමග හට ගන්නා Sciatica හෝ එවැනි තුනටිය ආශ්‍රිත ස්නායු තෙරපීමකට ලක් වී තිබෙන පුද්ගලයෙකු නම් පාද, යටි පතුල සහ විලුඹට බලපාන පර්යන්ත ස්නායු අකර්මණ්‍ය වෙන්නට පළුවන්. මෙහිදී පාද ආශ්‍රිත දැවිල්ල, වේදනාව සහ හිරිවැටීම ඇතිවන්නට පුළුවන්. මෙහිදී නිවැරදිව සිදු කරන රෝග විනිශ්චයකින් පසුව කොන්ද ආශ්‍රිත වේදනාවට සහ ස්නායු තෙරපීමට ප්‍රතිකාර කළ යුතු වනවා. මෙහිදී පාරම්පරික තෙල්, පත්තු ප්‍රතිකාර සමඟ චීනකටු වෛද්‍ය ප්‍රතිකාර ලබාගෙන මේ රෝග තත්ත්වවලින් පූර්ණ සුවය ලබාගැනීමට හැකියාව පවතිනවා.
වකුගඩු ආශ්‍රිත ගැටලු සහ අර්ධ හෝ පූර්ණ වකුගඩු අක්‍රීය වීමකදී සිරුරේ බහිස්‍රාවී ක්‍රියාවලිය අඩපණ වෙනවා. මෙහිදී විවිධ සංකූලතාවයන් ඇතිවන අතර පාද ආශ්‍රිතව ඇතිවන දැවිල්ල ස්වභාවය සහ ඉදිමීම සිදුවන්නට පුළුවන්. මෙහිදී නිවැරැදි රෝග විනිශ්චයකින් පසුව වකුගඩු සඳහා ප්‍රතිකාර කලළ යුතුයි. වකුගඩු රෝග සඳහා ප්‍රතිකාර ලබා ගන්නවාට වඩා රෝග වළක්වා ගැනීම ඉතා පහසු බව මතක තබා ගන්න. ඒ සඳහා ප්‍රමාණවත් පරිදි ජලය පානය කිරීම, ව්‍යායාම කිරීම සහ වකුගඩුවලට හානි ඇති කරන ආහාර සහ පාන වර්ගවලින් වැලකී සිටීම ඉතා වැදගත්.
ඔබ තයිරොක්සින් හෝමෝනයේ හිඟතාවයකින් Hypothyroidism ) හෝ විටමින් B හිඟතාවයකින් පෙළෙන විටද පාද ආශ්‍රිත දැවිල්ල ඔබව පීඩාවට පත් කරන්නට පුළුවන්. ඒ අවස්ථාවලදී සිරුරේ හෝමෝන මට්ටම සමබර කිරීම සදහා අවශ්‍ය ප්‍රතිකාර ලබාගැනීම මෙන්ම විටමින් ඕ බහුල ආහාර ලබාගැනීම සහ අවශ්‍ය පරිදි විටමින් ඕ පෝෂණ අතිරේක ලබාගැනීමත් ඉතා වැදගත්.
පාද , වළලුකර සහ යටිපතුල ආශ්‍රිත රුධිර නාල සහ ස්නායුවලට ඇතිවන විවිධ රෝගාබාධ නිසාද පාද ආශ්‍රිත දැවීමේ ස්වභාවය ඇතිවන්නට පුළුවන්. මෙයට හේතුවන ස්නායු ආබාධ ලෙස Tarsal Tunnel Syndrome සහ Peripheral Neuropathies දක්වන්නට පුළුවන් .රුධිර නාල ආශ්‍රිත ආබාධ සඳහා උදාහරණ ලෙස Reynaud Syndrome තත්ත්වය දක්වන්නට පුළුවන්. මෙය ඉතා සුලබ තත්ත්වයක් නොවුණත් පාද ආශ්‍රිත දැවිල්ල සඳහා හේතු වෙනවා. මෙවැනි ස්නායු සහ රුධිර නාල ආශ්‍රිත ආබාධ පවතින විටදී පාරම්පරික වෛද්‍ය ප්‍රතිකාර සහ චීනකටු වෛද්‍ය ක්‍රම මගින් සුවය ලාබා ගන්නට පුළුවන්. ඔබේ පාද පිළිබඳව නිබඳව සැලකිල්ල දක්වමින් මෙවැනි රෝග හැකි ඉක්මනින් හඳුනාගෙන නිවැරැදි ප්‍රතිකාර ලබා ගැනීම මඟින් පාද ආශ්‍රිත දැවීම සහ දැවිල්ල තත්ත්වයන් පූර්ණ වශයෙන් සුව කර ගැනීමේ හැකියාව ඔබට පවතිනවා.
සුබසෙත පුවත්පත ඇසුරෙන්..
Post a Comment