ලිංගිකව අනෙකා නොසළකා හැරීම විවාහක ගැහැණු සහ පිරිමි අතින් සිදු වන බරපතලම අතපසු වීමක් බව ඔබ දන්නවාද?

ලිංගික අනෙකාව නොසලකා හැරීම..

ලිංගිකව අනෙකා නොසලකා හැරීම විවාහක ගැහැණු සහ පිරිමි අතින් සිදු වන බරපතලම අතපසුවීමක් කිව්වොත් නිවැරදියි.

😞මගේ Husband එක්ක මම අවුරුදු එක හමාරකින් දෙකකින් විතර කිසිම ලිංගික සම්බන්දතාවයක් පවත්වලා නැහැ, මම මේ කියන්නේ සහතික ඇත්ත.

😞මගේ මහත්තයා මුල් කාලෙදී ඇරුණම දැන් කිසිම විදියක් මාව ලිංගිකව සතුටු කරන්නේ නැහැ.

😞එයා එයාගේ වැඩේ කරගෙන අනෙක් පැත්තට හැරිලා නිදා ගන්නවා. එයා හිතන්නේ නැහැ සහ එක්කෝ එයා දන්නේ නැහැ ගැහැණු කෙනෙක්ටත් ලිංගිකව තෘප්තිමත් වීම අත්‍යාවශ්‍ය බව.

😞මගේ වයිෆ්ගෙන් මට කිසිම ලිංගික සතුටක් ලැබෙන්නේ නැහැ, එයා හිතන්නේ ඒක මට කරන්න දීම හරිම වදයක් කියලා, අපි දෙන්න නිදා ගන්නෙ කාමර දෙකක, එයා දුව එක්ක නිදා ගන්නෙ මම වෙනම නිදා ගන්නෙ, එයා මම කතා කරාම හරිම අකමැත්තෙන් ඇවිල්ලා ඇදුම් ගලවලා දමලා ඇදේ දිගා වෙලා මට ඕන දෙයක් කරන්න ඉඩ දීලා අවසාන උනාම ඉවරද කියලා අහලා කාමරයෙන් පිට වෙලා යනවා.

😞මගේ Husband මමත් එක්ක sex කරන්නේ ඒක හරියට යුතුකමක් විදියට සලකලා, නැත්නම් මම වෙන කෙනෙක් ළගට යයි කියලා බයේ කියලා තමයි මම හිතන්නේ.

😞මගේ Husband එක්ක ලිංගිකව එකතු වීම මට ඉතාම ⁣වේදනාත්මක කටයුත්තක්. එයා දන්නේ නැහැ ඇත්තටම මාව ඒ සදහා සතුටුදායක ලෙස යොමු කර ගන්න. දැන් මට එපා වෙලා තියෙන්නේ සහ එයා ඒකට කරන ඇරයුම් මම කේන්තියෙන් ප්‍රතික්ෂේප කරනවා, ඉතින් එයා එක්ක ඒ දේවල්වලට රංඩු කරනවා.

😞මගේ වයිෆ්ව මට දැන් feel වෙන්නෙ නැහැ කොහොමවත්ම, මොකද එයා හරිම කම්මැලි, හරිම මන්දගාමී, වෙනස් වෙන්න කැමැති නැහැ, අලුත් දේවල් වලට ආසා නැහැ, උනන්දුව හරිම අඩුයි,මම ආසා කරන විදියට අදින්නෙ නැහැ, මම ආසා ඇදුම් මම ආසා යට ඇදුම් එයා අදින්නෙ නැහැ මම කොච්චර කිව්වත්, ඉතින් මට ඒක එපා වෙලා තියෙන්නේ, ඉතින් එයා එක්ක මම එකට ඉන්නෙ නැහැ, ඒ නිසා එයා හිතන්නේ මට වෙන සම්බන්ධයක් තියනවා කියලා, මාව සැක කරනවා.

මේ උපදේශනය සදහා එන බොහෝ දෙනා කරන ප්‍රකාශ.

මනෝ විශ්ලේෂණයට අනුව ලිංගික සිදු කරන, සිදු වන නොසලකා හැරීම් පුද්ගලයකුගේ මනස තුළට සෘණාත්මක ලෙස අවරෝධනය වීමක් සිදු වෙන්න පුලුවන් , එමඟින් පෙරළා කෙනකු තුළ අසහනය, සාංකාව, කාංසාජනක සිතුවිලි හැඟීම් වැනි මානසික තත්වයන් වලට හේතු වෙනවා.

උදාහරණයක් ලෙස කිව්වොත් කෙනෙක් තුළ පවතින අධික තරහා කෝපයට කණගාටුවට හේතුව ඒ පුද්ගලයාගේ ලිංගික ආශාවන් නිසි ලෙස තෘප්තිමත් නොවීම පෙන්වා දෙන්න පුලුවන්,

අනවශ්‍ය සැකයත් මේ ආශාවන් අවරෝධනයට ලක් වීම නිසා සිදු වෙන්නක් විය හැකියි.

විවාහක කෙනෙක් නම් ඔබ මේ පිළිබඳව ගැහැණු පිරිමි බේදයකින් තොරව අවධානය යොමු කිරීම වැදගත්.

ලිංගික අවධානය නොදැක්වීම කිව්වම ලිංගිකව හැසිරීම් වලින් වැළකී සිටීමම ලිංගිකව අවධානය යොමු නොකිරීම කියන්න බැහැ,

එහෙම නම් එය ආකාර දෙකකින් ඉදිරිපත් කරන්න පුලුවන්,

➡️➡️මුලුමනින්ම හෝ යම් ප්‍රමාණයකට අනෙකා සමඟ ලිංගිකව එකතු වීම ප්‍රතික්ෂේප කිරීම..

➡️➡️නිසි ආකාරයට අනෙකාව ලිංගිකව සතුටු කිරීමට ඉදිරිපත් නොවීම.

ලිංගිකව හැසිරීම තුළ දෙදෙනකු වඩාත්ම හොද ලිංගික තෘප්තිමත් බවක් ලැබීමට නම් අනිවාර්යයෙන් දෙදෙනා අතර යහපත් මානසික ශාරීරික එකතු වීමක් ඒකාත්මික වීමක් අත්‍යාවශ්‍ය වෙනවා.

අනිවාර්යයෙන් දෙදෙනාම අනෙකාගේ ආශාවන් සහ අකමැති දේවල් පිළිබඳව අවධානය යොමු කිරීම අත්‍යාවශ්‍ය වෙනවා.

ඇත්තටම ලිංගිකව නොසලකා හැරීමට බලපාන ⁣හේතු මොනවාද ?

🛑ප්‍රමාණවත් ලිංගික අධ්‍යාපනය දැනුම අවබෝධය නොමැති කම.

🛑ලිංගික ආබාධ සහ දෘස්කෘතයන්.

🛑මානසික ආතතිය සහ වෙනත් රෝග.

🛑විශේ⁣ෂයෙන්ම අපිරිසිදුකම.

🛑අතීත අද්දැකීම් සහ අත්විදීම්, සහ සංසන්දනය කිරීම්, උදාහරණයක් ලෙස තමන් අතීතයේ ලිංගික එකතු වූ කෙනා පිළිබඳව ඇති සුබවාදී සහ අසුබවාදී මතක වර්ථමාන කෙනා සමඟ සෘණාත්මක ⁣සංසන්දනය කිරීම.

➡️➡️☝ මම කලින් කෙනා එක්ක හොදට sex කරා එයා මෙයාට වඩා හොදින් මාව සතුටු කරා.

🛑වෙනත් ඇබ්බැහිවීම් ස්වයං වින්දනයේ යෙදීම, පොර්න් බැලීම.

🛑වෙනත් ලිංගික චර්යාවන් සහ පුරුදු, උදාහරණයක් ලෙස ලිංගකමය නොවන දේවල් තුළින් ලිංගික

 තෘප්තිමත් බව ලැබීම, හෝ පැරාෆීලියා තත්වයන්.

➡️➡️☝මම ආසයි මගේ වයිෆ් වෙන කෙනෙක් එක්ක ලිංගිකව එකතු වෙනවා බලන් ඉදලා ස්වයං වින්දනයේ යෙදෙන්න.

➡️➡️😳මම ආසයි කාන්තාවන්ගේ යට ඇදුම් ඇදගෙන ලිංගික තෘප්තිමත් බව ලබන්න.

😳😳මේ ලැයිස්තුව තව දිගු කරන්න පුලුවන්, නමුත් ලිපිය දිගු වන නිසා එසේ නොකරමි.

මේ තත්වයට විසදුම් පිළියම් තියනවාද ?

ඇත්තටම ඔව්, නූතන මනෝ විද්‍යාව මනෝ ප්‍රතිකාර මනෝ චිකිත්සාව තුළ ඕනෑ තරම් ප්‍රතිකාර ⁣මේ සදහා ඇත. එසේම අවශ්‍යතාවය අනුව ඕනම කෙනෙක්ට මනෝ වෛද්‍ය ප්‍රතිකාරද ඇත.

තව දෙයක් කියන්නම ඕන කියලා හිතුවා, හොදින් මතක තබා ගන්න, ඕනෑම කෙනෙක්ට ලිංගික ආබාධ ඇති වීම හෝ ඒ පිළිබඳව විවිධ ගැටලු ඇති විය හැකිය, එසේ වීම ලැජ්ජාවට පත් වීමට හෝ අවමානයට පත් වීමට කිසිම ⁣හේතුවක් නොවේ,

එසේ සිතා ප්‍රතිකාර ⁣නොගැනීම එය ප්‍රතික්ෂේප කිරීම තවදුටත් ප්‍රශ්නය ඔඩු දිවීමට හේතුවක් වෙන්න පුලුවන්,

සොබාදහම විසින් දරුවන් හැදීමට වර්ගයා ⁣බෝ කිරීමට පමණක් ලිංගිකත්වය ලබා දී නැහැ. ඒ තුළින් ඔබට විශාල මානසික තෘප්තිමත් බවක් ලැබීමටත් මානසික අසමතුලිත බව අවම කිරීම සදහාත් හොද සහායක් ලබා දෙන බව අවබෝධ කර ගන්න.

ප්‍රවීණ මනෝ උපදේශක.

Kasun Rajapaksha

තවත් මෙවැනි ලිපි කියවීමට සහ මනෝ විද්‍යාත්මක වැඩ සටහන් හා සම්බන්ද වීමට පහත සදහන් වට්ස් ඇප් චැනලයට සම්බන්ද වෙන්න.