අධ්‍යාපන, උසස් අධ්‍යාපන හා වෘත්තීය අධ්‍යාපන අමාත්‍යාංශය විසින් ක්‍රියාත්මක කරනු ලබන උසස් පෙළ වෘත්තීය විෂය ධාරාව සඳහා 2025/2026 අධ්‍යාපන වර්ෂය සඳහා 12 ශ්‍රේණියට සිසුන් බඳවා ගැනීම මේ දිනවල සිදුවෙයි.
මෙම විෂය ධාරාවට ඇතුළත් වීම සඳහා අ.පො.ස. සාමාන්‍ය පෙළ විභාගයේ ප්‍රතිඵල සලකා බලනවාක් නොමැති අතර, 2024, 2025 හෝ අවසන් වසර 2ක ඇතුළත සාමාන්‍ය පෙළ විභාගය ලියාපදිංචි වූ ඕනෑම සිසුවෙකුට තම ප්‍රදේශයේ වෘත්තීය විෂය ධාරාව සහිත පාසලකට අයදුම් කළ හැකිය.
🎓 වෘත්තීය අධ්‍යාපන මගින් රැකියා හා ව්‍යවසායකත්වයට පිවිසුමක්
මෙම විෂය ධාරාවේ සිසුන්ට 12 ශ්‍රේණියේදී මෘදු කුසලතා සංවර්ධනය හා වෘත්තීය හැකියාවන් පිළිබඳ මූලික අවබෝධයක් ලබා දීමට නියමිතව ඇත. 13 ශ්‍රේණිය සඳහා, සිසුන්ගේ සිහිපත් ක්ෂේත්‍රය අනුව NVQ 4 මට්ටමේ වෘත්තීය පුහුණුවකට රජයේ වෘත්තීය පුහුණු ආයතනයක් හරහා සම්බන්ධ කෙරේ.
මෙහිදී සිසුන්ට රජයේ අනුමත පුහුණු ආයතනයකින් හා තවත් පුහුණු ආයතනයකින් වෘත්තීය පුහුණුවක් ලබා ගැනීමේ හැකියාව සලසන අතර, ඉන්පසු NVQ 4 සහතිකය ලබාගෙන රැකියා අවස්ථා, උසස් වෘත්තීය අධ්‍යාපන අවස්ථා සහ ව්‍යවසායකත්වයට පිවිසිය හැකිය.
🛠️ ලැබිය හැකි පුහුණු ක්ෂේත්‍ර
• සංචාරක හා ආගන්තුක සත්කාරය
• මෝටර් රථ තාක්ෂණ ශිල්පය
• තොරතුරු තාක්ෂණය
• සෞඛ්‍ය හා සත්කාර සේවා
• රූපලාවන්‍ය හා කලා
• ආහාර නිෂ්පාදනය
• ඇඟලුම්
• විදුලිය හා ඉලෙක්ට්‍රොනික තාක්ෂණය
• පෑස්සුම් ශිල්පය
• යන්ත්‍ර ක්‍රියාකරවීම
• ගෘහ හා උද්‍යාන අලංකරණය
• කෘෂිකර්මාන්තය
• ජලජ සම්පත්
• ක්‍රීඩා, ජීවිතාරක්ෂා, වෙළඳ හා සැපයුම්
📝 අයදුම් කළ හැක්කේ කවුද?
අ.පො.ස. සාමාන්‍ය පෙළ සමත් / අසමත් සිසුන් සඳහා පමණක් නොව, 2024, 2025 හෝ පෙර වසර 2ක් තුළ සාමාන්‍ය පෙළ විභාගයට පෙනී සිටි ඕනෑම සිසුවෙකුට මෙයට අයදුම් කළ හැකිය.
අයදුම් පත්‍ර, පාසල් ලැයිස්තුව, සහ පුහුණු ක්ෂේත්‍ර පිළිබඳව විස්තර අමාත්‍යාංශයේ නිල වෙබ් අඩවිය (www.moe.gov.lk) හරහා ලබා ගත හැකිය.
📞 වැඩිදුර තොරතුරු සඳහා සම්බන්ධ විය හැකි අමාත්‍යාංශ දුරකථන අංක:
• 0112 787136 / 0112 786746
• 011 2785141 – 50
• Email: education@moe.gov.lk / directorefa@moe.gov.lk
📱 Facebook පිටුව: www.facebook.com/VocationalStream
Post a Comment