තරුණ තරුණියන්ට බය හිතෙන අනාවරණයක් කිවුවොත් හරියටම හරි..
විවාහ වන වයසේ පසුවන තරුණ තරුණියන්, විවාහ වීමට පෙර ඔවුන් පැලසීමියා වාහකයෙක් ද යන්න පිළිබඳව පරීක්ෂා කර ගැනීමට රුධිර පරීක්ෂණයක් සිදු කළ යුතු බව සෞඛ්‍ය අංශ අනාවරණය කර තිබෙනවා.
ඒ තුළින් තැලසීමියා වාහක ද, නැති ද, යන්න පිළිබදව දැනුවත්වී විවාහ වන ලෙසත්, තැලසීමියා වාහකයෙක් තවත් තැලසීමියා වාහකයෙක් සමග විවාහ නොවීමෙන් මෙරටින් සම්පූර්ණයෙන්ම තැලසීමියා රෝගය තුරන්කල හැකි බවත්, සෞඛ්‍ය හා ජනමාධ්‍ය අමාත්‍යංශයේ නියෝජ්‍ය අධ්‍යක්ෂ ජනරාල් (බෝ නොවන රෝග) විශේෂඥ වෛද්‍ය චම්පිකා වික්‍රමසිංහ පවසනවා.
එමෙන්ම වර්ථමානය වන විට ශ්‍රි ලංකාව තුල තැලසීමියා රෝගීන් 2000 කට ආසන්න පිරිසක් සිටින බවත්, මෙම රෝගීන්ගේ ප්‍රතිකාර සේවාවන් සදහා වසරකට ජාතික සෞඛ්‍ය අයවැයෙන් සියයට 15 ක මුදලක් වෙන්වන බවත්, එක රෝගියෙකුට වසරකට රුපියල් මිලියන 10 කට අධික මුදලක් වෙන් වන බවත්, ඇට මිදුළු බද්ධ කිරීමේ ශල්‍යකර්මය සදහාත් එක් අයෙකුට රුපියල් මිලියන 40 කට අධික මුදලක් වැය කිරීමට සිදුවන බවත්, විශේෂඥ වෛද්‍ය චම්පිකා වික්‍රමසිංහ සඳහන් කළා.
කුරුණැගල, අනුරාධපුරය, බදුල්ල, අම්පාර සහ මඩකලපුව ප්‍රදේශ වලින් තැලසීමියා රෝගීන් 100 කට අධික පිරිසක් වාර්තා වන බවත්, සෑම වසරකම තැලසීමියා රෝගයෙන් පෙළෙන දරුවන් 60 ක් පමණ මෙරට ඉපදෙන බවත් මෙහිදී වැඩිදුරටත් සඳහන් වුණා.
Post a Comment