මිනිස් තුවාල තුළ වැඩෙමින් මාංශ ආහාරයට ගන්නා පණුවන් විශේෂයක් ගැන පරීක්ෂණයකින් හෙළිවුණු ඒ විශ්මයජනක කාරණාව මෙන්න..

 ඇත්තටම මෙහෙම දේවල් සිද්ධ වෙන්න පුළුවන්ද..?

කොහොම වුණත් මේ වෙනකොට පර්යේෂණවලින් මේ පිළිබඳව තවමත් සොයා බලනවා..

කවුරුත් මවිතයට පත් කළ මේ සිදුවීම වාර්තා වෙන්නේ අමෙරිකාවේ නිව් ජර්සි ප්‍රදේශයෙන්…

පළමුවරට මිනිසුන්ගේ ශරීරයේ තුවාලවල වැඩෙමින් මිනිස් මාංශ ආහාරයට ගන්නා Screwworm නම් පණු කීටයකු පුද්ගලයෙකුගේ ශරීරයේ සිටියදී හමුව තිබෙනවා..

මෙම පුද්ගලයා එල් සැල්වදෝර් සිට ඇමරිකාවට පැමිණීමෙන් පසුව නිවසේ සිටයදී ඇමරිකානු සෞඛ්‍ය අංශ විසින් සොයාගන තිබෙනවා..

මෙම පණු කීටයන් හටගන්නේ Cochliomyia hominivorax නම් මැස්සන් හරහායි…

මොවුන් Screwworm Fly යනුවෙන් හඳුන්වනු ලබනවා…

මෙම මැස්සන්ගේ ගැහැණු සත්තවයා ගවයන්, මුවන් ඇතුලු වන සතුන්ගේ තුවාලවල බිත්තර දැමූ පසු එම බිත්තර පැය 24කට ආසන්න කාලයකදී පුපුරා Screwworm කීටයන්/පණුවන් හට ගන්නා අතර ඔවුන් තුවාලය ආහාරයට ගනිමින් එය තුල වැඩෙනවා…

පසුව එම පරපෝෂිතයන් තරමක් වැඩුණු පසු තුවාලයෙන් බිමට වැටී දින කීපයකින් නැවත මැස්සන් බවට පත්වෙන අතර ඉන් අනතුරුව මොවුන්ගේ ගැහැණු සතුන් නැවත සතුන්ගේ තුවාල තුල බිත්තර දමමින් මෙම චක්‍රය සිදුවන බවයි සඳහන් වන්නේ..

වාර්තා වන ආකාරයට මෙම කීටයන් මිනිස් ශරීරයේ තුවාල තුලද හට ගනිමින් මස් ආහාරයට ගෙන වැඩෙනවා..

එම තුවාල තුලින් දැඩි දුර්ගන්ධයක් නිකුත් වන අතර තුවාල දැඩි වේදනාකාරි ⁣වන බවයි පැවසෙන්නේ..

මෙම සිද්ධිය සම්බන්ධයෙන් රෝග පාලන හා නිවාරණ මධ්‍යස්ථානය (CDC) මේරිලන්ඩ් සෞඛ්‍ය දෙපාර්තමේන්තුව සමඟ එක්ව විමර්ශන කටයුතු සිදු කර තිබෙනවා..

එක්සත් ජනපදයේ සෞඛ්‍ය හා මානව සේවා දෙපාර්තමේන්තුවේ ප්‍රකාශක ඇන්ඩෲ නික්සන් සඳහන් කළේ, ව්‍යාප්ත වෙමින් පවතින රටක සිට පැමිණි පුද්ගලයෙකුට මෙම පරපෝෂිතයා ආසාදනය වී ඇති බවට ඇමරිකාවේදී තහවුරු වූ පළමු අවස්ථාව මෙය බවයි..

 

සාමාන්‍යයෙන් දකුණු ඇමරිකාව සහ කැරිබියන් දූපත් ආශ්‍රිතව දක්නට ලැබෙන මෙම පරපෝෂිතයා උතුරට ව්‍යාප්ත වීම වැළැක්වීමට ගත් උත්සාහයන් නොතකා, දැන් මෙක්සිකෝව ඇතුළු සෑම මධ්‍යම ඇමරිකානු රටකම මෙම රෝගීන් හඳුනාගෙන තිබෙනවා..

විවෘත තුවාල ඇති මිනිසුන්ට මෙම ආසාදනයට ගොදුරු වීමේ වැඩි අවදානමක් ඇති බවත්, එම කලාපවල සංචාරය කරන හෝ මැස්සන් සිටින ග්‍රාමීය ප්‍රදේශවල ගවයන් ආශ්‍රිතව සිටින අය වැඩි අවදානමක සිටින බවයි විදෙස් මාධ්‍ය පවසන්නේ..

 එක්සත් ජනපද කෘෂිකර්ම දෙපාර්තමේන්තුව (USDA) පවසන්නේ මෙම වසංගතයට ප්‍රතිචාර දැක්වීම සඳහා අනෙකුත් කෘෂිකර්ම ආයතන, රාජ්‍ය දෙපාර්තමේන්තුව සහ එක්සත් ජාතීන්ගේ ආහාර හා කෘෂිකර්ම සංවිධානය සමඟ එක්ව කටයුතු කරන බවයි..

ගවයන් අතර ‘screwworm’ වසංගතයක් ඇති වුවහොත් එය ආර්ථිකයට දැඩි බලපෑම් ඇති කළ හැකි බව USDA මේ මස මුලදී ප්‍රකාශ කර ඇති අතර එය ගව හා පශු සම්පත් කර්මාන්තයට සම්බන්ධ ඩොලර් බිලියන 100 කට අධික ආර්ථික ක්‍රියාකාරකම් වලට තර්ජනයක් විය හැකි බවයි ඔවුන් වැඩිදුරටත් සඳහන් කරන්නේ..