අද අපි කතා කරන්න හදන්නේ අපේ ජිවිතේට අත්‍යාවශ්‍ය විටමින් වර්ගයක් ගැනයි...
• විටමින් D වල ප්‍රධාන කාර්යය භාරයන් මොනවාද ?
කැල්සියම් අවශෝෂණය කර ගැනීම සහ අස්ථි සෞඛ්‍යයට සහය වීම
ප්‍රතිශක්තිකරණ පද්ධතිය වැඩි දියුණු කිරීම
සෛල වර්ධනයට උපකාරී වීම
ආතරයිටිස්, සමේ රෝග වැනි තත්ත්වයන් වළක්වා ගැනීමට උපකාරී වීම
රුධිර පීඩනය පාලනය කිරීම
හෘදවාහිනී සෞඛ්‍යයට සහය වීම
මාංශ පේශීන් සෞඛ්‍ය ප්‍රවර්ධනය කිරීම
• විටමින් D ඌණතාවය ඇති වන්නේ කොහොමද ?
විටමින් D ඌණතාවය ඇති වීමට ප්‍රධාන වශයෙන් බලපාන හේතු සාධක දෙකකි,
ඔබ ආහාර වේල් මඟින් හෝ හිරු එළිය මගින් ප්‍රමාණවත් කරම් විටමින් D ලබා නොගැනීම
ඔබේ ශරීරය මගින් ප්‍රමාණවත් තරම් විටමින් D අවශෝෂණය කර නොගැනීම සහ භාවිතා නොකිරීම
• විටමින් D ඌනතාවයේ ලක්ෂණ මොනවාද?
නිතර අසනීප වීම හෝ ආසාදන වලට ලක්වීම
විටමින් D වල වැදගත්ම කාර්යභාරයක් වන්නේ ප්‍රතිශක්තිකරණ සෞඛ්‍යයට සහාය වීම වන අතර එය රෝග ඇති කරන වෛරස් සහ බැක්ටීරියා වළක්වා ගැනීමට උපකාරී වෙයි.නිතරම හෙම්බිරිස්සාව , උණ සහ විවිධ ආසාදන තත්ත්වයක් ඇතිවෙනවා නම් එය විටමින් D ඌනතාවයේ ලක්ෂණයක් විය හැකියි
අස්ථි වල සහ කොන්දේ වේදනාව
ශරීරයට ප්‍රමාණවත් තරම් විටමින් D නොලැබීම නිසා අස්ථිවල සහ කොන්දේ වේදනාව ඇතිවීම වැනි තත්වයන්ද ඇති වෙනවා.මන්ද, විටමින් D මගින් ශරීරයට කැල්සියම් අවශෝෂණය කර ගැනීම වැඩි දියුණු කරන නිසා විටමින් D ප්‍රමාණවත් තරම් ලබා ගැනීම මගින් අස්ථි සෞඛ්‍ය පවත්වා ගැනීමට දායක වීමයි.
හිසකෙස් වැටීම, කැඩීම සහ නිසි ලෙස වර්ධනය නොවීම
නිරෝගී කෙස් කළඹක් පවත්වාගෙන යාම සඳහා විටමින් D ලබා ගැනීම අනිවාර්ය වනවා.අනෙක් අතට , හිසකෙස් වල සෞඛ්‍ය සඳහා කැල්සියම් අත්‍යවශ්‍ය වීමද, කැල්සියම් අවශෝෂණය කර ගැනීම සඳහා විටමින් ඩී අවශ්‍ය වීමද මෙයට හේතුවක්
තෙහෙට්ටුව
තෙහෙට්ටුව විටමින් D ඌනතාවයේ පොදු රෝග ලක්ෂණයකි. මෙය මාංශ පේශි දුර්වලතාවය සහ දුර්වල රුධිර සීනි පාලනය ඇතුළු සාධක ගණනාවක් නිසා ඇති විය හැකියි
අඩු රුධිර පීඩනය
අඩු රුධිර පීඩනය විටමින් D ඌනතාවයේ පොදු රෝග ලක්ෂණයකි. මෙය සිදු විය වන්නේ විටමින් ඩී ශරීරයේ රුධිර පීඩනය නියාමනය කිරීමට උපකාරී වන බැවිනි.
හෘද ස්පන්දන වේගය වැඩි වීම
හෘද ස්පන්දන වේගය වැඩි වීම විටමින් D ඌනතාවයේ තවත් පොදු රෝග ලක්ෂණයකි. මෙය සිදු විය හැක්කේ විටමින් ඩී ශරීරයේ රුධිර පීඩනය නියාමනය කිරීමට හේතු වන නිසායි
මාංශ පේශි කැක්කුම
මෙය සිදු වන්නේ විටමින් ඩී මාංශ පේශි හැකිලීමට අවශ්‍ය කැල්සියම් සහ පොස්පේට් ශරීරයට අවශෝෂණය කර ගැනීමට උපකාරී වන බැවිනි
දත් දිරායාම
දත් දිරායාම විටමින් D ඌනතාවයේ පොදු රෝග ලක්ෂණයක් ලෙස හැඳින්වෙන්නේ කැල්සියම් අවශෝෂණය සඳහා විටමින් D අවශ්‍ය වන අතර ප්‍රමාණවත් විටමින් D නොමැතිව දත් දුර්වල හා බිඳෙනසුලු විය හැකි බැවිනි.
ඊට අමතරව ,
නින්ද නොයාම
මානසික අවපීඩනය
ආහාර රුචිය නැති වීම
වැනි තත්ත්වයන්ද විටමින් ඩී ඌණතාවය නිසා ඇති වෙනවා
• විටමින් D බහුල ආහාර මොනවද ?
සැමන්
ටූනා
මැකරල්
හුරුල්ලන්
ඉස්සන්
බිත්තර කහ මද
ධාන්‍ය වර්ග
ආමන්ඩ් කිරි
සෝයා කිරි
දොඩම් යුෂ
චීස්
හතු
යෝගට්
විටමින් D කියන්නේ ශරීරයට අත්‍යවශ්‍ය තවත් එක විටමින් වර්ගයක් පමණක් වුණත් එය ප්‍රමාණවත් ලෙස ශරීරය නොලැබීම මගින් බොහෝ ගැටළුකාරී තත්වයන් ඇතිවන්නට පුළුවන්.ඒ නිසා අපි මේ ලිපියෙන් ඔබ දැනුවත් කළ ආකාරයට ශරීරයට ප්‍රමාණවත් තරම් විටමින් ඩී ලබා ගැනීම පිළිබඳව සැලකිලිමත් විය යුතුයි ...
උපුටා ගැනීමක්...
Post a Comment