ලූනු සුද්ද කරනකොට කිවිසුම් යනවාද? එහෙනම් මේක කියවන්නම ඕනේ! ජීවිතේම අවදානමක හෙළන මාරක දිලීරය මෙන්න.

 ලූනු ගෙඩියක් සුද්ද කරනකොට එහි පොත්තේ කළු පාටට දූවිලි වගේ කුඩු තැවරිලා තියෙනවා ඔබ ඕනෑතරම් දැක ඇති.

බොහෝ දෙනෙක් හිතන්නේ මේවා ලූනු වගා කරපු පස් හරි, එහෙමත් නැත්තම් දූවිලි කියලා. හුඟක් දෙනෙක් කරන්නේ ඒ කළු කුඩු ටික කටින් පිඹලා ලූනු ගෙඩිය පාවිච්චියට ගන්න එක.

ඔබත් කරන්නේ මේ දේම නම්, ඔබ නොදැනුවත්වම ඔබේ පෙනහළු මාරාන්තික අනතුරක හෙළා ඇති බව ඔබ දන්නවාද?

ඇත්තටම මේවා පස් නෙවෙයි. මෙය විද්‍යාත්මකව “Aspergillus niger” ලෙස හඳුන්වන ඉතා භයානක “Black Mold” එහෙමත් නැත්තම් කළු පුස් වර්ගයක්. මෙය ශරීරගත වීමෙන් ඔබේ සෞඛ්‍යයට බරපතළ බලපෑම් එල්ල විය හැකියි.

ඔබ ලූනු පොත්ත ගලවන විට හෝ මේ කුඩු පිඹින විට, එම දිලීර බීජාණු (Spores) වාතයට මුසු වෙනවා. ඔබ ආශ්වාස කරන විට ඒවා කෙළින්ම නාසය හරහා පෙනහළු වලට ඇතුල් වෙනවා.

ලූනු සුද්ද කරන විට ඔබට නිතරම කිවිසුම් යනවාද? ඇස් වලින් කඳුළු එනවාද? ඔබ හිතන්නේ ඒ ලූනු සැරට කියලා වෙන්න ඇති. නමුත් එය මේ දිලීරයේ බලපෑමක් විය හැකියි. ප්‍රතිශක්තිය අඩු අයෙකුට මින් බරපතළ පෙනහළු ආසාදන ඇති විය හැකියි.

මේ දිලීරය පොත්තෙන් නතර නොවී ලූනු ගෙඩිය ඇතුළටම කා වැදී එය නරක් කරනවා. ලූනු ගෙඩිය නහයට ළං කර නරක් වී ඇත්දැයි පරීක්ෂා කරන්න එපා. එයින් ඔබ කරන්නේ දිලීර බීජාණු සිය දහස් ගණනක් පෙනහළු තුළට ඇද ගැනීමයි.

ලූනු පොතු හැරීමට පෙර ගලා යන වතුරෙන් හොඳින් සෝදන්න. එවිට කළු කුඩු වාතයට මුසු වීම වැළකෙනවා. පිට පොත්තට යටින් ඇති පටලයත් ඉවත් කරන්න. ලූනු ගෙඩිය ඇතුළතත් කළු පැහැයක් ඇත්නම් එය ආහාරයට නොගෙන ඉවත් කරන්න.

ලූනු ගෙන ආ පසු ප්ලාස්ටික් බෑග්වල දමා නොතබා හුළං වදින වියළි තැනක ගබඩා කරන්න.