එක හුස්මට වතුර ලීටරයක් බොනවාද? ⚠️ ඔබේ වකුගඩු අනතුරේ හෙළන වැරදි පුරුද්ද මෙන්න !

"අද දවසෙම වතුර බොන්න බැරි වුණානේ" කියලා හිතලා, වතුර බෝතලේ කටේ තියාගෙන එක හුස්මට ලීටරයක් විතර බොන පුරුද්දක් ඔබටත් තියෙනවාද? නැත්නම් ජිම් එකේදී මහන්සියට එකපාර වතුර ගොඩක් බොනවාද?

ඔබ හිතන් ඉන්නේ "කොහොම හරි දවසට ඕන වතුර ටික ඇඟට දාගත්තම හරිනේ" කියලයි. හැබැයි මේ වැඩෙන් ඔබේ වකුගඩු "ෂොක්" (Shock) වෙන බව ඔබ දන්නවාද?

ඇයි එකපාර ගොඩක් බොන එක නරක?

අපේ වකුගඩු හරියට වතුර ෆිල්ටර් එකක් වගේ. ඕනෑම ෆිල්ටර් එකකට "පෙරන්න පුළුවන් වේගයක්" තියෙනවා.

වකුගඩුවලට දරාගන්න බැරි පීඩනය (Overloading Kidneys): සාමාන්‍යයෙන් නිරෝගී වකුගඩුවකට පැයකට පෙරන්න පුළුවන් උපරිමය වතුර ලීටර් 0.8ක් - 1ක් විතරයි. ඔබ විනාඩියක් ඇතුළත වතුර ලීටර් 1ක් බිව්වොත්, වකුගඩුවලට ඒක දරාගන්න බැරිව ලොකු පීඩනයක් ඇති වෙනවා. හරියට පොඩි කාණු බටයකට මහා වතුර පාරක් යැව්වා වගේ වැඩක්.

ලේ වල ලුණු දියවීම (Hyponatremia): මේක තමයි භයානකම දේ. එකපාර වතුර ගොඩක් බිව්වම, ඔබේ රුධිරයේ තියෙන "සෝඩියම්" (ලුණු) ප්‍රමාණය එකපාරටම අඩු වෙනවා. මේ තත්ත්වයට කියන්නේ "Water Intoxication" කියලා. මේ නිසා ඔක්කාරය, හිසරදය, ඇඟ පණ නැති වීම සහ දරුණු අවස්ථාවලදී මොළයේ ඉදිමීම පවා ඇති වෙන්න පුළුවන්.

නිවැරදිව වතුර බොන්නේ මෙහෙමයි:
වතුර බොන එක "Target" එකක් කරගන්න එපා: දවසට ලීටර් 3ක් බොන්න ඕනේ කියලා හිතලා එකපාර බොන්න යන්න එපා.

උගුර උගුර බොන්න: බෝතලේම එකපාර බොන්නේ නැතුව, විනාඩි 20කට 30කට සැරයක් වතුර උගුරක් දෙකක් හෙමින් බොන්න.

වාඩි වෙලා බොන්න: හිටගෙන ගිලගෙන ගිලගෙන යන්න එපා. වාඩි වෙලා නිදහසේ බොන්න.

පිපාසයට බොන්න: ඇඟ වතුර ඉල්ලන වෙලාවට (පිපාසය එනකොට) බොන්න අමතක කරන්න එපා.

වතුර කියන්නේ රත්තරන් ඔසුවක්. හැබැයි ඕනෑම ඔසුවක් පමණට වඩා ගත්තොත් විසක් වෙන්න පුළුවන්. "වතුර බීලා මැරෙන්න හදන්නේ නැතුව", මේ පුරුද්ද අදම හදාගන්න.









උපුටා ගැනීමකි