අවුරුදු සතුට කඳුළක් කළ "මරුගේ දහ අට රියන්" සෙල්ලම! සතියකට 77ක් අවසන් ගමන් ගිය හැටි මෙන්න..

අලුත් අවුරුදු නිවාඩුව ඉවර වෙලා හැමෝම ආපහු වැඩට යන්න ලෑස්ති වෙද්දී, හිත ගැහෙන විදියේ අමිහිරි පුවතක් පොලීසියෙන් නිකුත් කරලා තියෙනවා.

අවුරුදු කන්න ගිය, විනෝද වෙන්න ගිය පිරිසගෙන් 77 දෙනෙක්ටම ආපහු ගෙදර එන්න වාසනාව ලැබිලා නැහැ.

මේ සතිය ඇතුළත සිද්ධ වුණු දේවල් ඇහුවොත් ඔබත් පුදුම වේවි!පාරේ යනකොට පරිස්සමෙන්! අප්‍රේල් 10 ඉඳන් 18 වෙනකන් කාලය ඇතුළත මාරක රිය අනතුරු 45ක් වාර්තා වෙලා තියෙනවා. මේ අනතුරුවලින් 47 දෙනෙක් ජීවිතක්ෂයට පත් වෙලා. වැඩියෙන්ම මරණ වාර්තා වෙලා තියෙන්නේ යතුරුපැදි අනතුරුවලින් (16ක්). ඒ වගේම කාර්, වෑන් සහ කැබ් රථ අනතුරුත් මේ අතර තියෙනවා.

විශේෂම දේ තමයි, අවුරුදු නැකත් තිබුණු ඒ දවස් තුනේ (අප්‍රේල් 13, 14, 15) විතරක් රිය අනතුරුවලින් 19 දෙනෙක් මියගිහින්. පොලීසිය පෙන්වා දෙන්නේ 2025 අවුරුද්දට වඩා මේ පාර අනතුරු යම් ප්‍රමාණයකින් අඩු වුණත්, සිද්ධ වෙලා තියෙන විනාශය නම් සුළුපටු නැති බවයි.