1937 අගෝස්‌තු 19 දින නිරෝගීව මෙලොව එළිය දුටු හෙන්රි කල්දේරා අභාග්‍ය සම්පන්න ලෙස 14වෙනි වියේදී පුර්ණකාලීනව දෙනෙත් අධ භාවයට පත් විය.
සංගීත ය වෙනුවෙන් තිබු මහත් උනන්දුව, ආසාව, භක්තිය නිසාම සුනිල් ශාන්ත යන් ඇසුරේ ශිල්ප හැදෑරීමට පටන් ගත්තේය.
1968 වර්ෂයේදී හෙන්රි කල්දේරා තරුණයා ගුවන්විදුලි ගායකයෙකු ලෙස ගායන ලොවට පය තැබීය.
1972 වසරේ ඔහු විසින්ම ලියා ගායනය කල තත් තත් තත් “තාර පැටිය” ගීතය තුළින් රසිකයන් අතරට ගිය හෙන්රි කල්දේරා ඔහු විසින්ම ලියා සංගීත වත් කර ගායනය කල ගීත රැසක්‌ම ගායනා ලොවට දායාද කලේය.
එම වර්ෂයේදි ගුවන්විදුලියේ වෙළෙඳ සේවයේ ‘සරල ගී’ වැඩසටහනක් වෙනුවෙන් පටිගත කළ ගීතයක් වන “තාර පැටියා “නම් ගීතය සාමාන්‍යයෙන් ගුවන්විදුලියේ ‘සරල ගී’ වැඩ සටහන ප්‍රචාරය වීමෙන් පසුව එය පටයෙන් මකා දමන ක්‍රමයක් එදා තිබුණත් එවකට ගුවන් විදුලියේ ‘සරල ගී’ නිෂ්පාදන කටයුතු කළ ශාන්ති දිසානායක මහතා මැදිහත් වී ‘තාර පැටියා’ ගීතය තැටිගත කිරීමට කටයුතු කර ඇත.
ඔහු ගීත එකතු (Albums) හතරක් 1977 වනවිට ජනතාව වෙත ඉදිරිපත් කර තිබිණ.
ඔහුගේ බොහොමයක් ගීත ළමයින් උදෙසා උචිත වන ලෙස ගායනා කර ඇත්තේ ඔහුගේ ජීවන අත්දැකීම පාදක කරගෙන වීමද විශේෂත්වයකි.අතරම ඔහු ගැයූ ගීත ගොන්න තුළ ඔහුගේ දරු මුණුපුරන් අරමුණු කරගෙන ගායනා කරන ලද ගීතද පවතී.
මෙන්න පහත ඊට හොඳම උදාහරණය ක්.
“පුතු ඉපදුණු දිනේ මමත්…
නොලද නුවන් ලැබුවා…
මට නොපෙනෙන උදා කිරණ…
මගේ පුතා දුටුවා…
ඒ දෙනුවන් සිහි නුවණින් යොදවා දැය සමය නමින් මගෙන් රටට නොකෙරුණු ටික ඉටුකරන්න පුතුනේ….”
ගීතය අහල ඉවර වෙද්දි දෑස් අහිමි ඔහු වෙනුවෙන් කඳුළු නැඟුනා. ඒ තරමට ඔහුගේ පදවැල් ගී තනු විශේෂයෙන් ඔහුගේ හඬ ඉතාම සංවේදී බවයි මට හැඟීගියේ.
(පුද්ගල අදහසක්)
ඔහුම පදවැල් ගොතා, තනු යොදා ගැයූ ගීත අතර,
*.තාර පැටියා…
*.ඊයේ උදයේ …
*.කන විදින වෙලේ…
*.මෙලොව තිබෙන අමිල..
*.ලංකා මගේ ලංකා…
*.මල් නටු වැනි…
*.මොකද නගෝ…
*.ඔබ පෑව හසරැල්ල .
*.පෙනුණු සුව දසුන්…
*.සුහදිනියේ…
*.පෙමින් බැඳෙන්නයි
*.සමනොළ සිරිපා….
මිදුලේ සුදු වැලි තලයේ
මිරිවැඩි ස‍ඟලක සලකුණු ……..//
පවුල් කුටුම්භය තුළ ඇතිවූ ඉතා
සුන්දර අත්දැකීමක් වටා ගෙතුණු මිහිරි ගීතයකි .
මේ අපූරු පදමාලාවේ නිර්මාතෘ ප්‍රේමතිලක පලිහවඩන
හෙන්රි කල්දේරා මහතා ගීතය ගායනා කර ඇත.
අර්ථාන්විත අදහස් දැක්වු ඔහු දිනක් ඔහුගේ සහෘද යෙක් අමතා මෙසේ පවසා ඇත.”ඇස් දෙක් වටිනාකම හදුනා ගත් ඔබට මගේ ප්‍රණාමය. ඇස් දෙක හොදින් පෙනෙන අයට එහි වටිනාකම තේරෙන්නේ නෑ.එහෙත් ඇස් දෙක නොපෙනෙන මම හොදින් ලෝකය දකිනවා යැයි ප්‍රකාශ කර ඇත.”
එදවස ප්‍රසංග වේදිකාවේ සංගීත සංදර්ශන වලට ගෙන්වා ඔහුට සංවිධායක් විසින් මුදල් නොගෙවු අවස්ථා ද බොහෝ දුරට තිබී ඇත.ඒ ඔහුගේ දෑස් නොපෙනෙන තත්ත්වය ප්‍රයෝඡනයට ගෙනය. පැවති ලිස්ට් ක්‍රමය හරි හැටි ක්‍රියාත්මක නොවීම නිසාත් ,වෙන වෙන අයගේ ඉල්ලීම් නිසාත් සමහර අවස්ථාවල ප්‍රසංගයේ අවසානයේදී ගී ගැයීම ටද සිදුව ඇත. මේ හේතුව නිසාම කලකිරී ජීවිතය වන් සංගීත ය පසෙක ලා සීදූව රද්දොලුගම නිවසට වී බිරිඳ දරුවන් සමග ස්වයං රැකියාව ක නිරත වන්නට ද පටන් ගෙන ඇත.
1979 දී එවකට අගමැති රණසිංහ ප්‍රේමදාස මහතා විසින් මෙතුමාගේ වාසයට නිවසක් ද පරිත්‍යාග කර ඇත .
මේ උදා වූ අභාග්‍ය සම්පන්න තත්ත්වය වෙනස් කරන්න1997 වර්ෂයේදී “සන්ෆ්ලවර් ” නායක නීල් වර්ණකුලසූරිය මූලිකත්වය ගත්තේය.1996 දී ප්‍රියා සූරියසේනයන් ගෙන් ඇරඹී කැසට් පට රැල්ල නීල් වර්ණකුලසූරිය ගේ අදහසකට අනුව සන්ෆ්ලවර් සමග හෙන්රි කල්දේරා ගී 16 කැසට් පටය නිර්මාණය වන්නට මුලික අඩිතාලම දැමීය.
කැසට් පට නිෂ්පාදනය හා බෙදා හැරීම සදහා ඡා-ඇල ස්ටැන්ලිස් වෙත භාර දුන් අතර රට පුරා එවකට නැවති කැසට් ක්ෂේත්‍රය උඩු යටිකුරු කරමින් හෙන්රි කල්දේරා ගේ හඩ ඇසෙන්නට පටන් ගත්තේය.අතරම අලෙවි වාර්තා ද තබන්නට විය.
පසුව වැඩීම ඉල්ලුමක් ඇති ගායකයා බවට පත් වූ හෙන්රි කල්දේරා ට සමහර අවස්ථාවල ප්‍රසංග වේදිකාව තුල ගීත 8,10 ගායනා කරන්නට සිදුවු අවස්ථා බොහෝ වී ඇත.
ගීත ගායනා කර තවත්
සංදර්ශන යක් සඳහා හෝ නිවසට බස් රියෙන් ගමන් පහසුකම් සලසා ගත් ඔහු නොබෝ කලකින් තම රථයෙන් රට පුරා ප්‍රසංග වලට යන යුගයක් උදා කර ගන්නට විය.
එසේම මෙතුමා 1993 දී කලාකරුවෙකුට ලබාගත හැකි දෙවන විශිෂ්ඨම සම්මානය වන කලා භූෂණ සම්මානයෙන් පිදුම් ලබන ලදී.
කල්දේරා මහතාට දරුවන් සතර දෙනෙක් සිටි අතර ඔහුගේ බිරිඳත් ඔහු මෙන්ම අන්ධ තැනැත්තියකි.
සන්ෆලවර් ගී 16 න් පසුව තවත් කැසට් පටයක් වන ගී 16-2 සහ CD පට දෙකක් එලි දැක්වු ඔහු 2004 දී හටගත් රෝගී තත්ත්වය ක් නිසාවෙන් 2006- ඔක්තෝමීබර්-11 අප වසර 69 ආයු වළදා රසික රසිකාවියන් නෙතග කඳුලින් තෙත් කර දිවි සැරියෙන් සමු ගත්තේය.
කල්දේරා පදනමක් ද ඇති අතර එම මහතාගේ ගීත ඔහුගේ පුතකු වන චමින්ද කල්දේරා විසින් එම මතකයන් ඉදිරියට ගෙන යාමට සමත් වීම රසික රසිකාවියන් ට සතුටු දනවන කාරණයකි.
එතුමා අප අතරින් සමුගෙන 2022 වසරට අවුරුදු 16කි.අතීතාවර්ජනා පිටුව තුළින් උතුමි වූ නිර්වාණය සාක්ෂාත් වේවායි අප ප්‍රාර්ථනය කරමු..
✍ප්‍රියන්ත පෙරේරා
Post a Comment