මේ ඉන්නෙ Jiant Snake head fish එහෙමත් නැත්නම් ලංකාවෙ චන්නා කියල හඳුන්වන මාලුවා. මේකා සාමාන්‍යෙන් ලංකාවෙ ගංගා ඇල දොලවල් වල ඉන්න එකෙක් නෙවෙයි.
Giant Snakehead
විද්‍යාත්මක නාමය - Channa micropeltes
ප්‍රමාණය - අඩි 3 සිට 4.5 දක්වා
බර - 10kg දක්වා
මේ මත්ස්‍යයා දැදුරු ඔයේ මේ වෙනකොට තර්ජනාත්මකව වර්ධනය වෙලා තියනවා. මේක ලේසි පහසු කේස් එකක් නෙවෙයි.
මේ මාලුවෙක් හොඳින් වැඩුනට පස්සෙ සාමන්‍යෙන් දව්සකට පොඩි මාලු 500g - 1000g අතර ප්‍රමාණයක් ආහාරයට ගන්නවා. ඒ කියන්නෙ සාමන්‍ය මාලු 10-20ත් අතර ප්‍රමාණයක්. ඒ ආහරයට ගන්නෙ දැදුරු ඔයේ ඉන්න අපේ ලංකාවෙ හැදෙන සාමාන්‍ය මාලු.
මේ මාලුවා සාමාන්‍යෙන් අවුරුද්දකට දෙපාරක් හරි තුන්පාරක් හරි වරකට බිත්තර 20000ක වගේ සාමාණ්‍ය අගයකින් දානව. ඕකෙන් පැටව් 16000කට ආසන්න පැටව් ගාණක් බිහි වෙනවා. ඒකෙන් 50% වැඩුණු මාලු වුනත් උන් මාස 5/6 අතර කාලෙකින් හොඳින් ආහාර ගන්න ප්‍රමාණයට වර්ධනය වෙනවා. එතකොට අපේ දැදුරු ඔයේ දෙශීය මත්ස්‍ය ගහණයට වෙන දේ කියන්න ඕන නෑ නේද...
මේ මාලු හරි ශක්තිමත් මාලු විශේශයක්. ඕන පරිසරයකට් ටක් ගාල අනුවර්තනය වෙන්න හැකියාවක් තියනවා. දත් සහ වරල් ගොඩාක් ශක්තිමත්. ඒක නිසා සමූහයක් විදිහට දැල් වලින් අල්ලල පිරිමහන්න හැකියාවක් නෑ.. විසඳුමක් හොයන්න සෑහෙන්න අමාරු ප්‍රශ්ණයක්..
කවුරු හරි ආසාවට ඇති කරන්න ගෙනැත් ලොකු වෙනකොට ඉඩ ප්‍රශ්ණෙ නිසා ගඟට ගෙනැත් නොදැම්මනම් ඉන්දුනීසියාව, මැලේසියාව, තායිලන්තය වගේ රටවල් වලට ආවේණික මේ මාලුව දැදුරු ඔයට වීස එකක් ගහගෙන ආව වෙන්න බෑ. ඒ නිසා එක පුද්ගලයෙක් හෝ කීපදෙනෙක් සරලව හිතල කරපු වැඩකින් ඇතිවුණ ලොකුම පාරිසරික තර්ජනයකට මේ වෙනකොට දැදුරුඔය මූහුණ දෙමින් ඉන්නවා.
ඕක ඔතනින් නොනැවතී ලංකාවෙ අනෙත් ගඟවල් සහ වැව් වලටත් පැතිරුනොත් ලංකාවෙ මිරිදිය මත්ස්‍ය කර්මාන්තය කියන එකේ අවසානය තමයි මේ මාලුවා ..
🙂
මේ ඉන්නෙ දැදුරු ඔයෙන් බිලීපිති පාවිච්චිකරල අල්ලපු ඔය කාණ්ඩෙ සෙට් එකක්..
Photo credit - Fishdom world fb page
Post a Comment