001 සැප්තැම්බර් 11 වන දින උදෑසන මයිකල් හින්ග්සන් (Michael Hingson), ලෝක වෙළඳ මද්‍යස්ථානයේ උතුරු කුළුණේ 78 වන මහලේ වැඩ කරමින් සිටියේය. ඔහුගේ ජනේලයෙන් පිටත ගිනිදැල් හෝ වැටෙන සුන්බුන් ඔහුට නොපෙනුණි. ඒ ඔහු උපතේ සිටම අන්ධ පුද්ගලයෙකු වූ නිසයි.
නමුත් ඔහුට ගොඩනැගිල්ල සෙලවීම දැනුණි. අවට අවුල් සහගත බව ඔහුට ඇසුණි. ඔහු අසල, ඔහුගේ පාර කියන සුරතලා (guide dog) වන රොසෙල් ඇගේ නින්දෙන් අවදි වූවා පමණි.
ඇය භීතියට පත් නොවීය. ඇය කලබල නොවීය. එමඟින් මයිකල්ට වැටහුනේ ඔවුන්ට දිවි ගලවා ගැනීමට අවස්ථාවක් ඇති බවයි.
රොසෙල්ගේ මඟ පෙන්වීම මත ඔවුන් පියවර 1,463 ක් පහළට බැසීමට පටන් ගත්තේ, දුම, ජෙට් ඉන්ධන, තුවාල ලැබ දිවි ගලවා ගත් අය සහ ක්‍රමයෙන් නැගී එන භීතිය හරහායි.
එක් අවස්ථාවක, ඔවුන් සමඟ පහළට යමින් සිටි වෙනත් පුද්ගලයෙක් කෑ මොර දුන්නේ “අපිට ගැලවෙන්න බැහැ!” යි කියමිනි.
මයිකල් සන්සුන්ව පිළිතුරු දුන්නේ, “රොසෙල්ට සහ මට එය කළ හැකි නම්, ඔබටත් පුළුවන්.” යන්නයි.
රොසෙල් දිගටම පහළට, පහළට ඇවිද ගියාය.
ගිනි නිවන භටයින් ඔවුන් පසුකර ඉහළට ගමන් කළහ.
බොහෝ දෙනෙක් කිසි විටෙකත් නැවත පහළට පැමිණියේ නැත.
කුළුණ කඩා වැටීමට මිනිත්තු කිහිපයකට පෙර ඔවුන් ගොඩනැගිල්ලේ ලොබියට ළඟා වූහ.
පිටත අහස දූවිලි වලින් කළු වී තිබුණි. මයිකල්ට නොපෙනුණි. නමුත් ඒ මොහොතේ, වෙන කිසිවෙකුටද කිසිවක් නොපෙනුණි.
එහෙත්, රොසෙල් මයිකල්ට කඩා වැටෙන වීදි හරහා ආරක්ෂිතව මඟ පෙන්වූ අතර, පිරිසිදු වාතය තිබිය හැකි බංකරයක් අසල පහළට පිවිසෙන පඩිපෙළක අද්දර නතර විය.
ඇය කිසි විටෙකත් ඔහුව හැර ගියේ නැත.
එදින, මයිකල් කිසි විටෙකත් ඇගේ කරපටිය අතහැරියේ නැත.
ඇය කිසි විටෙකත් ඔහුව බිම වැටීමට ඉඩ දුන්නේ නැත.
රොසෙල් 2011 දී සාමකාමීව මිය ගියේ ඇගේ කාර්යය අවසන් කිරීමෙන් පසුවයි.
නමුත් එක් මිනිසෙකුට සහ ඔවුන්ගේ කතාව අසන සෑම කෙනෙකුටම ඇය ජීවමානයි.
මක්නිසාද යත් නිර්භීතකම සැමවිටම බුරන්නේ නැත.
සමහර විට, එය ඔබ අසලින් ගමන් කරයි… පියවරෙන් පියවර 🐾 .
සටහන – Anishka Amarawickrama ✍️
(මුල් හිමිකරුගෙ කතෘ අයිතිය සුරකින්න)
Post a Comment