එන්න වට්ටක්කා ඇට කමු....
ඔව් මේක කන්න වටින ඇටයක්... පහල විස්තරය හිමීට කියවන්නකෝ... කියවලාම කන්න...
වට්ටක්කා ඇටකියන්නේ පෝෂකයන්ගෙන් පිරුණු ආහාරයක්
වට්ටක්කා ඇට වල අඩංගු ප්රධාන පෝෂක:
• ප්රෝටීන්
• omega-6 සහ monounsaturated fats
• තන්තු (Fiber)
• මැග්නීසියම්
• සින්ක්
• යකඩ
• තඹ
• මැන්ගනීසියම්
• පොස්පරස්
මේ තියෙන්නේ වට්ටක්කා ඇට ආහාරයට ගැනීමෙන් අපේ සිරුරට ලැබෙන ප්රයෝජන කිහිපයක්.
01. ආතරයිටිස් වැනි තත්වයන් නිසා ඇතිවෙන වේදනාවන් වලට සහනය ලබා දෙනවා
මෙවැනි රෝග වලට අපි ලබාගන්න යම් යම් ඖෂධ වර්ග වලින් අතුරු අබාධ ඇති වීමට ඇති ඉඩ කඩ ඉතා වැඩියි. නමුත් වට්ටක්කා ඇට ආහාරයට ගැනීමෙන් ඔබට කිසිම අතුරු අබාධයක් නොමැතිවම මෙවැනි රෝග සදහා සහනයක් ලබාගත හැකියි.
02. ඔබේ හදවතේ නිරෝගී බව ආරක්ෂා කරනවා
වට්ටක්කා ඇට වල අඩංගු වෙන මැග්නීසියම් වලින් ඔබේ නිරෝගී බවට විශාල පිටුවහලක් ලැබෙනවා. අධික රුධිර පීඩනය පාලනය කරමින් හදවත් අකර්මන්ය වීම් වගේම ආඝාතය වැනි තත්වයන්ගෙනුත් ඔබව ආරක්ෂා කරනවා.
03. ඔබේ කොලෙස්ටරෝල් මට්ටම පාලනය කරනවා
වට්ටක්කා ඇට වල අඩංගු වෙන phytosterol සංයෝගය මගින් ඔබේ රුධිරයේ අඩංගු වෙන අහිතකර කොලෙස්ටරෝල් අඩු කරනු ලබනවා. සුර්යකාන්ත ඇට වලට පසුව වැඩිම phytosterol සංයෝගයක් අඩංගු වෙන්නේ වට්ටක්කා ඇට වලයි.
04. ඔබේ රුධිරයේ අඩංගු සීනි මට්ටම සමාන අගයක පවත්වා ගෙන යා හැකියි
වට්ටක්කා ඇට ආහාරයට ගැනීමෙන් ඔබට පුළුවන් ඔබේ සිරුරේ පැවතිය යුතු සීනි මට්ටම හැමදාමත් සමාන මට්ටමක පවත්වා ගෙන යන්න. ඒ වගේම චය ඔබට බර අඩු කර ගැනීමටත් හැම දවසකම නිරෝගීව ඉන්නත් අවස්ථාව ලබා දෙනවා.
05. ඔබට හොද නින්දක් ලබා දෙනවා
ඔබත් නිදා ගැනීමේ අපහසුතාවයකින් පෙළෙනවා නම් රාත්රියට නින්දට යාමට පෙර වට්ටක්කා ඇට කිහිපයක් ආහාරයට ගන්න. වට්ටක්කා ඇට වල අඩංගු වෙන ඇමයිනෝ අම්ලය, tryptophan ඔබට උදවු වෙනවා සුව නින්දක් ලබාගන්න.
06. වට්ටක්කා ඇට සතු පිළිකා නැසීමේ බලය
මෑතකදී සිදුකළ ස්පාඤ්ඤ අධ්යයනයක් මගින් සොයාගෙන තිබෙනවා වට්ටක්කා ඇට තුල පිළිකාව නැසීමේ බලයක් ඇති බව. වට්ටක්කා ඇට තුල අන්තර්ගත වන සංයෝගයන් මගින් පිළිකා සෛල නැසීම සහ විවිධ පිළිකා ඇතිවීමත් වළක්වන බවමෙහිදී සොයාගෙන තිබෙනවා.ආර්තවාභාවය අතරතුර පසුවන කාන්තාවන් වට්ටක්කා ඇට දිනපතා ආහාරයට ගැනීම මගින් පියයුරු පිළිකා ඇතිවීමේ අවධානම 23% දක්වා පහළ බසින බව ජර්මානු අධ්යයනයක් මගිනුත් තහවුරු කර තිබෙනවා.
07. ඇස් පෙනීම වර්ධනය කරගැනීමට වට්ටක්කා ඇට
ශරීරයේ නිසියාකාර ප්රතිශක්තිකරණ පද්ධතියක් වර්ධනය කරගැනීමට අවශ්ය වන සින්ක් වට්ටක්කා ඇට සතු වනවා. ඒ වගේම මේ වට්ටක්ක ඇට සතු වන තන්තු, මැන්ගනීස්, පොස්පරස්, ප්රෝටීන් සහ පොටෑසියම් නිසා නිරෝගී ඇස් පෙනීමක් අපට ලබා දෙනවා.
08. ප්රෝස්ටේට් ග්රන්ථි වල සෞඛ්යය වර්ධනයට
ප්රෝස්ටේට් ග්රන්ථි විශාල වන රෝගී තත්වයක් වන “prostaic hyperplasia” රෝගයට වට්ටක්කා ඇට ගුණදායක වන බව විවිධ අධ්යයනයන් මගින් තහවුරු කර තිබෙනවා. වට්ටක්කා ඇට සතු වන “phytosterols” සංයෝගය මගින් තමයි ප්රෝස්ටේට් ග්රන්ථි වල ඉදිමුම සමනය කරනු ලබන්නේ.
09. සතුට වර්ධනය කිරීම
වට්ටක්කා ඇට සතු “L-tryptophan” යන සංයෝගය මගින් විෂාදය වැනි තත්වයන් නසා සතුටුදායී මනෝභාවය වර්ධනය කරනවා. එනිසා විශාදය වැනි රෝග තියන අයට විවිධ මානසික ආතතීන්ට ලක්වී සිටින අයට වට්ටක්කා ඇට හොද ඔසුවක්. ඒ වගේම මහන්සි වෙලා පාඩම් කරන අයට සහ නිතර මොළය වෙහෙසවන අයට වට්ටක්කා ඇට හොද ඔසුවක්.
Post a Comment