විදේශ රැකියා වලට පිටත්ව යන විගමනික ශ්‍රමිකයන් වෙනුවෙන් රජයේ නව වැඩපිලිවෙලට අනුව සහනදායි මිලට ගුවන් ටිකට් පත් නිකුත් කිරීමේ කවුලුවක් විදේශ කටයුතු හා විදේශ රැකියා නියෝජ්‍ය අමාන්‍ය අරුන් හේමචන්ද්‍ර මහනාගේ ප්‍රධානත්වයෙන් නාවල පාර. නාරාහේන්පිට පිහිටි ශ්‍රී ලංකා විදේශ රැකියා ආයතනයේ දී විවෘත කෙරිණි.
මෙහිදී සාමාන්‍ය වෙළෙඳ පොළේ පවතින මිලට වඩා අඩු මිලට ගුවන් ටිකට්පත් නිකුත් කිරීම සිදු කරන අතර ලොව ඕනැම රටක විදේශ රැකියා සඳහා පිටත්ව යන සියලු ශ්‍රමිකයන්ට මෙහිදී අඩු මිලට ගුවන් ටිකට්පත් මිලදී ගත හැකියි.
මෙම අවස්ථාවට විදේශ රැකියා අමාත්‍යාංශයේ අතිරේක ලේකම් ආචාර්ය බී. එස් යාලේගම, ශ්‍රී ලංකා විදේශ සේවා නියුක්ති කාර්යාංශයේ සභාපති කෝශල වික්‍රමසිංහ, ශ්‍රී ලංකා විදේශ රැකියා ඒජන්සි ආයතනයේ සභාපති ලාල් හෙට්ටි ආරච්චි, කාර්යාංශයේ සාමාන්‍යාධිකාරී ඩී.ඩී.ජී සේනානායක, ශ්‍රී ලංකා විදේශ රැකියා ඒජන්සි ආයතනයේ සාමාන්‍යාධිකාරී ප්‍රසාද් ගලප්පන්ති යන මහත්වරුන් ඇතුළු පිරිසක් එක්වී සිටියහ.
(අංජුල මහික වීරරත්න)
Post a Comment