"මුළු ගෙදරම විදුලි බුබුළුවලින් ආලෝකවත් වෙලා... හෙට ඔබේ ආදරණීයයන් සුදුවතින් සැරසිලා ඒවි.." ඇයගේ ජීවිතය වෙලාගත් අඳුරු මතකයට වසර 2ක් ගතවෙද්දී, සුජීවා සංවේදී සටහනක් එක්කරයි..

ඇය තවමත් ඒ සිදුවීමේ අඳුරු මතකවල වෙලී ඉන්නේ ඔහුගේ වියෝවෙන් ඇතිවුණු කම්පනය නිසා වෙන්න පුළුවන්..
නොසිතූ මොහොතක මීට වසර 2කට ඉහතදී නයන වාසුලගේ ජීවිතය අහිමි වූවා සේම ඒ සිද්ධිය නිසා කේ. සුජීවාගේ පාදයට සිදුවූ හානියෙන් තවමත් ඇය සුවය ලබමින් ඉන්නවා.
මේ අතරතුර කිසිදා අපගේ සිත්වලින් ඈත් නොවන ප්‍රියයන්ගේ වෙන්වීමේ දුක කෙසේ හෝ ඔවුන් දරාගත යුතුමයි.

නයනගේ සමුගැනීමත් එක්ක සුජීවා සිටින්නේ තවමත් කම්පනයෙන් බව ඇය සමාජමාධ්‍යවලට එක්කරන සටහන්වලින් ඇයගේ රසිකයින්ට පැහැදිලි වෙනවා ඇති.
"ඔබ මෙලොවින් සමුගෙන අවසන් වුවත්, මට නම්... අපට නම් ඔබ කිසිදා මියගොස් නැහැ! ඔබ තවමත් ජීවත් වන්නේ මගේ හදවත තුළයි." මුහුණුපොතට ඇය එක්කළ දීර්ඝ සටහනක එක් වැකියක ඇය මේ විදිහට ලියා තිබුණා..